Адкрыцьцё выставы Ўладзімера Новака ў Нью-Йорку

30-га верасьня а 12-й гадзіне ў Беларускім музэі падчас Беларускага фэстывалю які праводзіўся Сястрынствам і Парахвіальнай Радай Сабору Святого Кірылы Тураўскага ў Брукліне сумесна з Белраускім Моладзевым Рухам Амэрыкі адбылося адкрыцьцё выставы вядомага беларускага мастака Ўладзімера Новака.
Уладзімер Новак нарадзіўся 20-га траўня 1939-га году ў Крычаве Магілёўскай вобласьці.Ягонае матацтва вызначаецца пластычнай выразнасьцю, арыгінальнай кампазыцыяй. Гэта мастак манумэнтальна-дэкаратыўнага жывапісу. Меў шэраг пэрсанальных выставаў у Эўропе, ў прыватнасьці ў Нямеччыне, Баўгарыі, Аўстрыі ды іншых краінах. У Амэрыцы экспануецца ўпершыню.
У музэі былі прадстаўленыя 27-м алеявых карцінаў арыгінальнага мастацтва, якія ахопліваюць больш за сорак год ягонай працы. Адну з сваіх карцін мастак ахвяруе музэю.
На адкрыцьцё выставы сабраліся дзесяткі беларусаў, наведала выставу таксама шмат амерыканцаў. Усяго ў першы дзень паглядзелі выставу каля ста чалавек. Нажаль мастак не мог прысутнічаць на выставе. Выступілі з прамовамі Зянон Пазьняк, Анатоль Колбун, Мікола Сагановіч. Выступіла на флейце і піаніна музыка з Арменіі Арасія Пастацян.
Здаецца, не было ў залі тых, каго бы не закранула мастацтва Новака. Невялічкія палотны, што сапраўды нясуць у сябе набой энэргіі і настрою. Кожны твор мае свой незабыўны характар, унутраны эмацыйны падтэкст, шчырасьць, творчы рапт, натхненьне. Кожнае палатно пабудавана дакладна і разумна. Карціны вельмі жывыя, каларытныя і яркія. Жывапісная структура кожнай ягонай карціны запоўненая сымбалямі колеру, якія падпарадкоўваюцца агульнай задумцы. Палотны Новака нясуць у сабе музычны і народны пачатак, вытрымку і стрыманасьць.
Выстава будзе працягвацца да 19-га лістапада. Шчыра запрашаем!
belmuseum.org
Vladimir Novak`s exhibition in New York
On September 30, 2007 at 12 pm an exhibition of a number of works by Vladimir Novak was opened. It is a retrospective show of 27 oil paintings created during more than 40 years of work. One of his paintings the artist is presenting as a gift for the Belarusan Museum in New York.
Vladimir Novak was born on May, 20th, 1939 in the city of Krichev, Mogilev. His creativity differs with the plastic expressiveness and original composition. Personal exhibitions of the artist were opened in the Europe: in Germany, Austria, Bulgaria and other countries. In America his exhibition is going to be opened for the first time.
For the opening of the exhibition came dozens of Belarusians living in New York, there were many American guests too. About a hundred of people visited the exhibition the first day. Unfortunately the artist himself could not be there. Zianon Pazniak, Anatol’ Kolbun, Mikola Sahanovitch gave speeches. A musician from Armenia Araksia Pastatian played flute and piano.
It seems, there was no one, who was not touched by the works of Novak. His pictures are small, but carrying a charge of energy and good mood. Every his work has its own character, internal emotional underlying theme, sincerity, creative inspiration. Each picture is built diligently and clever. All his painting are very lively, picturesque and colourful. pictorial structure of this works is full of color symbols, which are subdued to the whole conception. They are carrying also musical and folklore beginnings and restraint.
The exhibition is going on till November 19th. We invite you to come and see these wonderful works of art!
belmuseum.org