Да выхадных iстотна пацяплее

У блiжэйшыя днi на тэрыторыю Беларусi завiтае цёплае паветра. Аднак, як паведамiла галоўны сiноптык Рэспублiканскага гiдраметцэнтра Вольга Фядотава, сёння чакаюцца невялiкiя дажджы.

Тэмпература паветра — 10—16 градусаў, а ў Брэсцкай i Гродзенскай абласцях — да 20. Ужо 24 красавiка над тэрыторыяй Беларусi ападкаў увогуле не будзе. У ноч на сераду яшчэ халаднавата — 1—8 цяпла, удзень — 14—20. Сапраўды камфортнае сонечнае надвор’е ўсталюецца ў чацвер—пятнiцу, калi тэмпература паветра будзе дасягаць 16—22 градусаў.